Vetëvendojse: Asnjë polic nuk u dënua për dhunën e Janarit

0

Lëvizja Vetëvendosje mendon që shteti duke mos e dënuar dhunën në protestat e Janarit po e inkurajon atë. Nënkryetari këtij subjekti, Driton Çaushi, ka folur të hënën.

“3 muaj nga protesta gjithëpopullore e 27 janarit, dhe ende asnjë polic nuk u ndjek penalisht për dhunën e shfrenuar që përdorën kundër protestuesve. Zelli i madh i Prokurorisë për të urdhëruar arrestimet e qytetarëve dhe për të nisur procedura penale ndaj tyre, si dhe mungesa absolute e vullnetit për të ndjekur penalisht policët që ushtruan dhunë ndaj protestuesve të 27 janarit, flasin për tendencën e pushtetit që t’i bëjë të dënueshme protestat paqësore, kurse në anën tjetër ta inkurajojë dhunën e Policisë atëherë kur protestat ndodhin. Kjo gjë është tipike për regjimet autoritare, të cilat duke qenë të vetëdijshme se planet dhe veprimet e tyre janë në kundërshtim me interesin publik, i frikësohen shumë pakënaqësisë qytetare dhe bëjnë çmos që ta parandalojnë dhe shtypin atë”, ka thënë ai.

PËRGJIGJU

Please enter your comment!
Please enter your name here