Veseli ka dy probleme me letrën e Haradinajt dhe apelon me çdo kusht në ruajtjen e partneritetit me SHBA

0

Vazhdojnë të dalin në dritë mosmarrëveshjet në mes të kryeministrit Ramush Haradinaj dhe kryetarit të Kuvendit Kadri Veseli. Ky i fundit tregoi sonte dallimet mes tyre.

I pari i PDK’së Kadri Veseli propozoi pezullimin e taksës ndaj produkteve me prejardhje nga Serbia dhe Bosnja për 120 ditë. Kjo nuk mori aprovimin e Haradinajt që kërkon konferencë ndërkombëtare për një çështje të tillë.

Pikërisht këtu nisin problemet e dyshes.

“Unë kam problemin në dy çështje në raport me letrën e Haradinajt. Propozohet një konferencë ndërkombëtare 14 ditore, shtrohet pyetja çka na duhet një konferencë ndërkombëtare, pas 17 shkurtit dhe pas vendimit të Gjykatës Ndërkombëtare të Drejtësisë. Dhe nën dy, a mos po i hapim rrugë Rusisë për të marr pjesë në konferencë?’, tha Veseli për tv Dukagjinin.

Sipas tij, SHBA janë aleati më i fuqishëm i Kosovës.

“Nëse njëra nga kushtet që e kam nxjerrë unë më prish me dikë, nuk ka dert”, tha kryeministri. Por një prishje e tillë e raporteve sipas Veselit, do e rrëzonte qeverinë.

“Kosova, Kurrë kurrë, kurrë nuk duhet me e kushtezu Amerikën me asgjë. Ditën që prishet partneriteti me Amerikën, prishet koalicione dhe unë dal prej karrigës. Pa Amerikën nuk mund të mbrohet as veriu e as jugu’, theksoi Veseli.

PËRGJIGJU

Please enter your comment!
Please enter your name here