Valdet Gashi: “Puna ime si xhihadist është si të jem në pushime”

0

Kampioni i Thai boks-it, Valdet Gashi, gjendet në Siri. Intervista me të e realizuar nga 20Minutes.ch sipas ekspertëve është “zbukuruar fuqishëm”.

  1. Z. Valdet Gashi, ju keni shkuar në Siri për t’u bashkuar me grupin e Shtetit Islamik (IS). A keni qenë të mirëpritur nga kalifati?

Ata m’i kanë marrë të dhënat e mia dhe më kanë bërë disa pyetje. Pastaj më kanë marrë gjakun për t’u siguruar që nuk isha i sëmurë.

Si është jeta e përditshme atje?

Unë punoj 9 orë në ditë si rojë kufiri. Ne ndihmojmë civilët për të kaluar lumin Eufrat. Puna nuk është aspak e lodhshme dhe më pëlqen shumë. Për mua është sikur një aktivitet që do të kryeja gjatë kohës së lirë. Madje, edhe dielli më ka djegur, siç mund të ndodhë gjatë pushimeve (qesh).

Si duhet të imagjinojmë jetën në Siri?

Eshtë më mirë se sa e kisha imagjinuar. Nuk na mungon asgjë. Këtu mund të gjeni edhe cookies apo Kellog’sa… Unë jam i kënaqur që nuk jam më në Evropë. Këtu Sheriati i All-llahut aplikohet 100%. Vetëm familja ime më mungon, sidomos nëna ime dhe dy vajzat e mia të vogla.

Sa fitoni ju?
Banesa jonë është e paguar dhe ne marrim ushqim të mirë. Nëse kemi nevojë për rroba, ne mund t’i kërkojmë. Përveç kësaj, unë fitoj edhe pak para për vete.

Ju vetëm flisni mirë për jetën tuaj në grupin IS. Por kjo organizatë ekzekuton njerëz në mënyrë të tmerrshme. Çfarë mendoni ju për këtë?

Kjo ndodh shumë rrallë. Ligji i Sheriatit parashikon ekzekutime të tilla vetëm në qoftë se personi ka kryer vrasje, përdhunim ose në rastet e braktisjes së fesë së islamit. Askush këtu nuk ka mëshirë për këta njerëz prej momentit që vendimi është i justifikuar. Madje, edhe fëmijët marrin pjesë në ekzekutime të tilla. Askush nuk ka problem me këtë.

Intervistë “e ripërpunuar” nga IS?

Qendra gjenevase e analizave të terrorizmit (Geneva Centre for Training and Analysis of Terrorism) ka lexuar intervistën me Valdet Gashin. Ekspertët besojnë se përgjigjet e dhëna nga kampioni i dyfishtë botëror në Thai boks kanë qenë të ripërpunuara ose janë shkruar nga specialistët e grupit IS. “Shumica e përgjigjeve janë zbukuruar fuqishëm”, thotë drejtori i Qendrës, Jean-Paul Rouiller. Sipas tij, kjo është qartë një propagandë, veçanërisht për shkak se i intervistuari përmend produkte të njohura prej nesh, të tilla si Kellogg-së. “Unë dyshoj se ata hanë Kellogg’sa çdo mëngjes”, vë në dukje Jean-Paul Rouiller. Terroristët përpiqen të tërheqin njerëzit me përshkrime  të tilla, thekson ai. Eksperti i Gjenevës thotë se nuk beson që Valdet Gashit nuk i mungon asgjë atje. Lidhur me ekzekutimet, Jean-Paul Rouiller është i bindur se ato janë të përditshme dhe jo “shumë të rralla”, siç shpjegohet nga  Valdet Gashi.

Samuel Althof, ekspert i ekstremizmit, mendon se grupit IS  mundohet veçanërisht të rekrutojë të rinjtë me anë të kësaj interviste: “Nëse besojmë  Valdet Gashin, çdo gjë është shumë e këndshme atje. Ai minimizon punën e kryer në IS. Ai thotë se puna a tij është si të jesh në pushime. Ai paraqet luftën si një lojë të thjeshtë të videove, dhe nuk vë në pah vuajtjet e mëdha që ia shkakton prej momentit që i është lidhur çështjes së tyre”.

PËRGJIGJU

Please enter your comment!
Please enter your name here