Tirana zyrtare reagon për protestën e sotme

0

Ministria e Punëve të Jashtme e Republikës së Shqipërisë ka reaguar pasditen e sotme lidhur me protestat e dhunshme që kanë përfshirë sot Prishtinën.

Në një njoftim për shtyp Ministria ka thënë se po ndjek me vëmendje zhvillimet aktuale në Kosovë dhe shpreh shqetësimin e saj për rastet e dhunës në rrugët e Prishtinës.

MPJ u ka bërë thirrje udhëheqësve politikë të Kosovës që të tregojnë vetë-përmbajtje dhe të distancohen nga aktet e dhunës, të cilat nuk i shërbejnë stabilitetit të vendit.

“Qetësia dhe rivendosja e rendit janë të një rëndësie parësore për t’i hapur rrugë zgjidhjes së problemeve dhe i shërben stabilitetit demokratik të Kosovës,” thuhet në reagimin e sotëm.

Gjithashtu MPJ fton forcat politike në Kosovë që të shfrytëzojnë institucionet dhe dialogun me qeverinë e sapo krijuar, si mundësi të vetme për qetësimin e situatës, dhe të përdorin të gjitha energjitë në adresimin e sfidave euro-atlantike të vendit.

PËRGJIGJU

Please enter your comment!
Please enter your name here