Sot 36 vjet vdiq Enver Hoxha

0

Sot 36 vjet më parë, mëngjesin e 11 prillit të vitit 1985 ndërroi jetë Enver Hoxha, Sekretari i Parë i Partisë së Punës së Shqipërisë dhe presidenti iu shtetit shqiptar.

Në njoftimin e Komitetit Qendror të asaj dite thuhej: “Zemra e udhëheqësit të madh të partisë dhe të popullit, pushoj së rrahuri…”.

Rreth orës 13:00 agjencia e lajmeve “Reuters” e shpërndau lajmin anekënd botës, duke qenë se Enver Hoxha konsiderohej ndër udhëheqësit më jetëgjatë në pushtet.

Megjithatë telegrame të shumta ngushëllimi mbërritën nga personalitete të larta të mbi 100 shteteve. Një minutë heshtje për vdekjen e Enver Hoxhës u mbajt nga Organizata e Kombeve të Bashkuara në mbledhjen e saj të radhës.

Sipas raportit të mjekëve, Hoxha u nda nga jeta si pasojë e një ataku në zemër dhe pësoi gjendje koma që më 9 prill. Vitet e fundit të jetës ishin rënduar për Hoxhën për shkak të diabetit që i ishte diagnostikuar shumë vite më parë.

Në një ceremoni madhështore Enver Hoxha u varros në Varrezat e Dëshmorëve, por pas rënies së komunizmit varri i tij u zhvendos tek varrezat në Sharrë, ku ndodhet edhe sot.

Enver Hoxha, lindi më 16 tetor të vitit 1908,  dhe ishte udhëheqësi i Shqipërisë nga nëntori i vitit 1944, kur edhe u çlirua vendi, deri në ditën e vdekjes së tij, 11 prill 1985. Ai shërbeu si Kryeministër i Shqipërisë, 1944-1954 dhe në kohë të ndryshme ka shërbyer si ministër i jashtëm dhe si ministër i mbrojtjes.

Periudha e udhëheqjes dhe më kryesorja jeta e Enver Hoxhës mbeten ende të pazbardhura për publikun shqiptar. Enver Hoxha dilte rrallë në publik gjatë udhëheqjes të tij dhe dilte po aq rrallë në televizionin e vetëm shtetëror të kohës. Hoxha pas prishjes me Bashkimin Sovjetik kur Shqipëria doli edhe nga Traktati i Varshavës, thuhet se nuk kreu më asnjë vizitë shtetërore apo private jashtë vendit.

Historia shqiptare mbi periudhën e viteve të komunizmit ka ndryshuar disa herë në librat shkollorë, çka tregon se në vitet e tranzicionit politika pas ’90 më tepër ka abuzuar dhe ka kërkuar të fitojë kapital politik me të shkuarën sesa është përpjekur të shpjegojë të vërtetën.

Vila ku jetoi Enver Hoxha

Edhe sot 36 vjet pas vdekjes raportohet rreth jetës ku jetonte Enver Hoxha brenda vilës qeveritare, vilë që sot i përket shtetit, çka do të thotë se ajo edhe sot mbeti pronë shtetërore. Në asnjë vend tjetër komunist në botë nuk besohet të ketë ndodhur që udhëheqësi i një vendi të jetojë në një banesë të mjerueshme. Kjo nuk i ka ndodhur as ndonjë udhëheqësi tjetër në vendet demokratike e jo për ato autoritare.

Ajo që nuk është zbardhur ende është se sa i pasur ishte Enver Hoxha kur erdhi në pushtet dhe ç’pasuri i la ai familjes pas vdekjes, me qëllim për të bërë një krahasim me qoftë edhe një deputet të politikës së sotme.           

PËRGJIGJU

Please enter your comment!
Please enter your name here