Shqipëri:Edhe një minator humb jetën në minierën e Bulqizës

0

Një tjetër aksident me pasojë vdekjen ka ndodhur të dielën në një nga galeritë e minierës së Bulqizës, në Martanesh. Aksidenti ndodhi në pjesën qendrore të kësaj miniere, në zonën e Theknës, e cila administrohet nga një firmë private.

Sipas burimeve nga kjo minierë, mësohet se minatori i cili ka humbur jetën quhet Shaban Grrica, 45 vjeç. Policia thotë se gjatë punës në nënkatin e kësaj galerie, një masiv shkëmbi është shkëputur duke e zënë poshtë minatorin.

Trupi i pajetë i tij është nxjerrë rreth dy orë më vonë.

Është ngritur grupi hetimor për rastin e këtij aksidenti të rëndë. Burime nga policia bëjnë me dije se në komisariat janë shoqëruar disa persona për t’u marrë në pyetje rreth ngjarjes.

PËRGJIGJU

Please enter your comment!
Please enter your name here