Reagim rreth arrestimit të anëtarit të KK të Malishevës, Valon Hoti

0

Nga adresa e Lëvizjes Vetëvendosje-Qendra në Malishevë ka dalë një reagim me rastin e arrestimit të anëtarit të Kuvendit Komunal të Malishevës, Valon Hotit. Aty dënohet arrestimi dhe thuhet se “policia e instrumentalizuar nga pushteti po hakmerret për votën që legjislativi komunal kishte dhënë më heret kundër marrëveshjeve të dëmshme për Kosovën.”

 

Më poshtë mund ta lexoni reagimin e plotë nga Malisheva:

 

“Malishevë: Nuk mund të shtypet vullneti i qytetarëve për ndryshim, as me arrestime

 

Sot në kohën kur po mbahej seanca e rregullt e Kuvendit Komunal në Malishevë, policia rrethoi ndërtesën e e Kuvendit dhe më pas arrestoi asmableistin e VETËVENDOSJE!-s, Valon Hoti.

Pushteti përmes policisë së instrumentalizuar futet dhunshëm në mjediset e Kuvendit Komunal duke bërë presion ndaj Komunës së Malishevës dhe asambleistëve të saj madje,dhe duke arrestuar njërin nga ta si hakmarrje ndaj qëndrimit që ky Kuvend kishte nxjerrë, në kundërshtim të marrëveshjeve të dëmshme për Kosovën që dolën të jenë edhe antikushtetuese.

Malisheva si kurrë më parë është bashkuar rreth kauzës në mbrojtje të sovranitetit dhe Republikës, e veprimi i sotëm i regjimit nuk mund as ta frikësojë e as ta zmbrapsë këtë vullnet.

Opozita e bashkuar në Malishevë dënon ashpër këtë akt tinëzar dhe qyqar të orkestruar nga pushteti në theqafje, i cili tashmë në panik ka filluar të futet edhe në ndërtesat dhe institucionet që përfaqësojnë vullnetin e lirë të qytetarëve.

Këtij regjimi po i numërohen orët dhe do t’i jepet goditja përfundimtare nga qytetarët e Kosovës. Ne nuk do të ndalemi. Qytetaret çdo ditë e më tepër po bashkohen rreth kauzës sonë dhe kështu së bashku do të vazhdojmë derisa ta ndalim degradimin e Republikës sonë.”

PËRGJIGJU

Please enter your comment!
Please enter your name here