Një muaj paraburgim për N.B. nga Surqini i Ferizajit, grabiste shtëpi në Gjilan

0

Një gjyqtar i procedurës paraprake të Departamentit të Krimeve të Rënda të Gjykatës Themelore në Gjilan, sipas kërkesës së Prokurorisë Themelore nga kjo komunë dje ka urdhëruar mbajtjen në paraburgim për të pandehurin N. B., në kohëzgjatje prej 1 (një) muaji.
“I pandehuri N. B., shqiptar, shtetas i Republikës së Kosovës, nga fshati Surqin e Ferizajt dyshohet se ka kryer veprat penale, vjedhje grabitqare nga neni 328 paragrafi 2 dhe vjedhje grabitqare në tentativë nga neni 328 paragrafi 2 lidhur me nenin 28 të Kodit Penal të Republikës së Kosovës (KPRK).” ka bërë me dije sot Gjykata Themelore nga Gjilani
“Dyshohet se i pandehuri ka kryer vjedhje grabitqare në disa shtëpi të fshatrave të Komunës së Gjilanit, duke i kanosur edhe me armë zjarri të dëmtuarit. N. B. në paraburgim do të qëndroj nga data 05.05.2015 deri më datë 04.06.2015. I pandehuri në procedurë penale gëzon të drejtën e kontestimit të urdhrit për paraburgim të nxjerrë nga gjyqtari i procedurës paraprake.”, është theksuar në njoftim.

PËRGJIGJU

Please enter your comment!
Please enter your name here