NË GJYQ ME VETEN

0
URAN KRASNIQI

Si një të pandehur

Një ditë do ta marrësh veten në pyetje

Për të gjitha duart që i ke lënë të vjerra në ajr

Për të gjithë trupat që s’iu ke bëre krah

E për të gjitha rastet ku nuk ke shërbyer për të shtyrë

Si një prokuror akull i ftohtë

Një ditë do ta marrësh veten në pyetje

Për të gjitha buzëqeshjet që nuk i ke dhënë

Për të gjitha fjalët që nuk i ke thënë

E për gjithë dashurinë që e ke mbajtur

Një ditë do ta marrësh veten në pyetje

Përditë kujdesu që kur të vije ajo orë

Të kesh sa më pak nevojë për përgjigjje

Malishevë, 24 maj, 2014.

PËRGJIGJU

Please enter your comment!
Please enter your name here