Lista Serbe rreth pjesëmarrjes në Qeveri: “Do të marrim një vendim të mençur”

0

Kryetari i Listës Serbe, Goran Rakiq, i ka thënë Radio Televizionit të Serbisë se ai do të shqyrtojë pjesëmarrjen e mëtejshme në Qeverinë e Kosovës.

“Ne do të marrim një vendim të mençur, do të udhëhiqemi nga interesat e qytetarëve”, ka thënë Rakiç, shkruajnë mediat serbe. Sipas medieve serbe, “dhuna dhe sulmi i forcave speciale të Kosovës i kanë shqetësuar serbët në veri të Kosovës”.

E Goran Rakiq ka thënë se “ky nuk ishte vetëm sulm brutal klasik por një sulm terrorist më shumë mbi popullin e paarmatosur serb”.

Reagimi i tij vjen pas arrestimit të drejtorit të të ashtuquajturës Zyra për Kosovën në Qeverinë e Serbisë, Marko Gjuriq, nga njësia speciale e Policisë së Kosovës në pjesën veriore të Mitrovicës.

Gjuriq pas arrestimit u dërgua në stacionin e Policisë në Prishtinë dhe më pas është dëbuar për në Serbi.

 

PËRGJIGJU

Please enter your comment!
Please enter your name here