Kryeministria: Mustafa pritet me nderime ushtarake nga Kancelarja Merkel

0

Kryeministri i Republikës së Kosovës, Isa Mustafa, takohet sot në Berlin me Kancelaren Federale të Gjermanisë, Angela Merkel.
Kryeministri Mustafa, gjatë vizitës zyrtare në Republikën Federale të Gjermanisë, sipas një njoftimi nga kryeministria “do të pritet me nderime ushtarake nga Kancelarja Merkel, në Zyrën e Kancelares Federale”.
Në takimin ndërmjet Kryeministrit Isa Mustafa dhe Kancelares Angela Merkel sipas njoftimit do të bisedohet për marrëdhëniet bilaterale ndërmjet dy shteteve, për proceset në Kosovë, për marrëdhëniet e Kosovës me Bashkimin Evropian, si dhe për procesin e dialogut ndërmjet Republikës së Kosovës dhe Republikës së Serbisë.
Gjatë vizitës zyrtare në Gjermani, Kryeministri Isa Mustafa, i shoqëruar nga Zëvendëskryeministri i parë Hashim Thaçi, Ministri i Financave, Avdullah Hoti dhe Ministri i Zhvillimit Ekonomik, Blerand Stavileci, do të zhvillojë takime edhe me përfaqësues të tjerë të lartë gjermanë.

PËRGJIGJU

Please enter your comment!
Please enter your name here