Kosova në fokus të mediave të huaja: E porsaardhur, por buzë kualifikimit në Euro 2020

0

Mediat botërore kanë raportuar për promovimin e Kosovës dhe sigurimin e një vendi në gjysmëfinale të Ligës së Kombeve, që i jep mundësi ta arrijë kualifikimin në Kampionatin Evropian 2020.

Triumfi i mbrëmshëm në “Fadil Vokrri” i siguron Kosovës një vend në gjysmëfinale të Ligës D në një rrugë tjetër, më të lehtë, për t’u kualifikuar në Kampionatin Evropian 2020, si dhe promovimin në një nivel më të lartë – në Ligën C –  të garës inauguruese të UEFA-s, Ligën e Kombeve, raporton Gazeta Express.

Het-triku i Arbër Zenelit dhe një gol i Amir Rrahmanit e fundosen Azerbajxhanin në një ballafaqim që shihej si finale e madhe në letër, por që doli të ishte fitore e lehtë dhe bindëse e “Dardanëve”.

“Het-triku i Arbër Zenelit i siguron Kosovës promovimin në Ligën C”, shkruan ESPN.

“Kosova buzë kualifikimit shokues në Kampionatin Evropian 2020, pasi e shkatërroi Azerbajxhanin”, shkruan mediumi irlandez “The42.ie”.

Ndërsa Sky Sports në Britani të Madhe ka këtë titull për triumfin e Kosovës: “Kosova ka rastin të kualifikohet në Euro 2020”.

“Kosova e porsaardhur e siguron një vend në play-off në kualifikime për Euro 2020”, shkruan Washington Posti në SHBA. /Express/

 

PËRGJIGJU

Please enter your comment!
Please enter your name here