Kosova dhe Mali i Zi zotohen të zgjerojnë bashkëpunimin

0

Kryeministri i Republikës së Kosovës, Isa Mustafa, priti në takim zëvendëskryeministrin e Republikës së Malit të Zi, Dushko Markoviq.
Sipas një njoftimi nga kryeministria, gjatë takimit kryeministri Mustafa e informoi zv.kryeministrin Markoviq për përkushtimin e Qeverisë së Kosovës për zhvillimin e qëndrueshëm ekonomik, punësimin, mirëqenien, sundimin e ligjit, agjendën integruese evropiane si dhe reformat thelbësore në shumë fusha të jetës.
Kryeministri Mustafa theksoi edhe angazhimin e Qeverisë së Republikës së Kosovës për forcimin e fqinjësisë së mirë dhe zgjerimin e bashkëpunimit bilateral me Malin e Zi.
Zëvendëskryeministri i Mali të Zi, Dushko Markoviq, pasi e falënderoi kryeministrin Mustafa për pritjen, shprehu përkushtimin e shtetit të tij për thellimin e bashkëpunimit me Kosovën.
Kryeministri Mustafa dhe zëvendëskryeministri Markoviq kanë biseduar edhe për rëndësinë e avancimit të agjendës integruese euroatlantike të të dyja vendeve dhe shteteve të tjera të rajonit.

PËRGJIGJU

Please enter your comment!
Please enter your name here