Karaçevë: Djali gjen nënën e mbytur në pusin e fshatit

0

Më 24 dhjetor të këtij viti, një ngjarje e rëndë ka ndodhur në fshatin Karaçevë e Epërme të Kamenicës.

Sipas asaj që raportohet një grua e moshës 57-vjeçare është gjetur nga djali i saj pa shenja jete në pusin e këtij fshati.

Shaban Azizi, zëdhënës i Policisë së Kosovës për rajonin e Gjilanit ka thënë se akoma nuk dihet nëse është vetëvrasje apo jo mirëpo, sipas tij, dyshohet për vetëvrasje.

“Dyshohet se është vetëvrasje, raporti i obduksionit akoma nuk është kthyer. Ne jemi në hetim të rastit derisa prokurori thotë që të mbyllet ky rast ose nëse raporti i obduksionit thotë se ka vdekur si pasojë e ngufatjes së ujit, faktikisht ajo i bie vetëvrasje dhe mbyllet ai rast”, ka thënë Azizi për lajmin

Tutje ai ka thënë se hetimet i vështirëson edhe territori për shkak se sipas tij, vendi ku ka ndodhur ngjarja është shumë afër kufirit me Serbinë dhe Policia e Kosovës në këtë pjesë e ka të vështirë të patrullojë.

Sido që të jetë, Azizi ka thënë se Policia do ta hetojë deri në fund këtë rast pasi që kjo ngjarje e rëndë ka ndodhur në territorin e Kosovës./lajmi.net

PËRGJIGJU

Please enter your comment!
Please enter your name here