Ja plazhet më të ndotura dhe më të pastra në Shqipëri

0

Disa nga destinacionet e parapëlqyera bregdetare që konsiderohen si oaze të natyrës nga pushuesit shqiptarë, sipas një raporti rezultojnë të jenë me përqindje të lartë ndotjeje.

Në këtë listë bëjnë pjesë edhe Gjiri i Lalzit e plazhi i Dhërmiut.

Sipas drejtorit të Agjencisë Kombëtare të Mjedisit, Julian Beqiraj, ndonëse situata është përmirësuar ndjeshëm në disa destinacione turistike si Durrës, Vlorë apo Sarandë, sërish ka shumë punë për të bërë në mënyrë që të arrihen standardet evropiane.

“Gjiri i Lalzit nuk është i një cilësie A, kurse Dhërmiu në një nga pikat nuk ka qenë shumë pozitiv. Ndajmë një informacioni që jemi përmirësuar, por nuk jemi 100% të pastër. Agjencia e Mjedisit do të ndalojë rekomandimet kur të 78 pikat të kenë cilësinë A”, shpjegoi Beqiraj për gazetën Shekulli.

Nga 12 plazhet e monitoruara, në gjashtë prej tyre cilësia e ujërave është 100% e pastër: në Shëngjin, Ksamil, Borsh, Qeparo, Himarë dhe Velipojë.

PËRGJIGJU

Please enter your comment!
Please enter your name here