Isa Mustafa: Problemet të zgjidhen në institucione, jo në rrugë

0

Kryeministri i Kosovës Isa Mustafa, ka folur sot për protestën e 18 prillit të paralajmëruar nga tri partitë opozitare, Vetëvendosje, AAK dhe Nisma.

Duke folur për këtë në mbledhjen e qeverisë, Mustafa tha se zgjidhja e problemeve duhet të gjendet në institucione të Kosovës e jo në rrugë, transmeton KALLXO.com.

“Shpreh bindjen time se problemet aktuale që ekzistojnë ne Kosovë duhet t’i zgjedhim brenda institucioneve të Kosovës, duhet të zgjidhet me votën e lirë të qytetarëve”, tha Mustafa.

Mustafa ka folur edhe për nënshkrimin e kontratës për investimet në Brezovicë, që sipas tij do të hapin mundësi të mëdha zhvillimore edhe për turizmin edhe për punësimin e njerëzve jo vetëm në atë pjesë po edhe pjesë e të tjera.

Mustafa tha se me nënshkrimin e kësaj kontrate po vërehet se po fitohet besimi i investitorëve.

“Kjo flet se ngadalë po e fitojmë besimin e investitorëve të jashtëm, ardhjen e tyre në Kosovë dhe shpresoj që masat që po i marrim tani do të arrijmë të kemi më shumë investitorë”, tha shefi i ekzekutivit kosovar, transmeton KALLXO.com.

Mustafa konsideron se është një hap shumë i mirë propozimi i Ministrisë së Financave për uljen e TVSh-së në disa produkte.

“Është një hap tjetër drejt zhvillimit ekonomik”, u shpreh ai në mbledhjen e sotme të qeverisë.

PËRGJIGJU

Please enter your comment!
Please enter your name here