Hamza: Për 12 vjet kosovarët i kanë marrë mbi 8 miliardë euro kredi

0

Rritja e profitit të bankave në dy vjetët e fundit është bërë si rezultat i zvogëlimit të shpenzimeve të interesit, si dhe zvogëlimit të shpenzimeve për provizione. Kështu ka thënë në një intervistë për “Koha Ditore”, guvernatori i Bankës Qendrore të Kosovës, Bedri Hamza.

Por, ai ka paralajmëruar se shumë shpejt bankat do të kenë nevojë për depozita shtesë dhe mund të pritet rritja e interesit në depozita. Ka thënë se niveli i interesit në depozita varet nga shumë faktorë dhe nuk mund të kontrollohet e as të rregullohet nga Banka Qendrore e Kosovës, shkruan sot “Koha Ditore”.

Bankat kanë lëshuar 8.1 miliardë euro kredi që nga viti 2001. Këto kredi, sipas tij, e kanë ndihmuar biznesin që të zhvillohet.

Ka thënë se i takon Autoritetit të Konkurrencës që të hetojë nëse ka marrëveshje të fshehta e të kundërligjshme në mes bankave për të rritur çmimin e shërbimeve. Ka folur edhe për shkeljet ligjore të bankave, për të drejtat e konsumatorëve dhe sigurimin e depozitave.

PËRGJIGJU

Please enter your comment!
Please enter your name here