Greva në sektorin e arsimit vazhdon

0

Këshilli Qendror Grevist i SBASHK-ut pas raporteve të marra nga Këshillat Komunale greviste të SBASHK-ut dhe analizave të bëra nga ta dhe nga vet Këshilli Qendror Grevist ka konstatuar se edhe në llogaritjet që janë bërë sot dhe pagat që janë procesuar për të punësuarit në Arsim ka shumë gabime në llogaritjen e përvojës së punës të mbi 90% e të punësuarëve ku sipas SBASHK-ut “ju mungojnë 7 vite të përvojës së punës si dhe nuk është bërë ndryshimi i pagesës për muajt Janar,Shkurt dhe Mars të vitit 2015 ashtu siç shkruan ne Kontratën Kolektive dhe siç ishin deklaruar çdo herë edhe Kryeministri Mustafa edhe Ministrat Bajrami e Hoti se kurdo që të merret përvoja e punës do të merret në mënyrë retroaktive nga 1 janari i vitit 2015”.
“Për këto gabime të lëshuara edhe në këto lista te pagave të cilat u punuan dhe u procesuan sot deri në këtë moment që ne po lëshojmë këtë komunikatë nuk kemi informata as nga MASHT e as nga MF por as ndonjë prononcim publik pse kanë ndodhur këto gabime prandaj: Këshilli Qendror Grevist i përkrahur nga të gjitha Këshillat greviste Komunale dhe nga Këshilli grevist i Universitetit i njofton të gjithë punonjësit arsimor se greva e përgjithshme edhe nesër mbahet me të njëjtin orar sikurse edhe sot”, ka njoftuar SBASHK-u në orët e mbrëmjes.
“Gjithashtu i ftojmë Qeverinë që në afat optimal ti përmbushin edhe këto lëshime që i kanë bërë në mënyrë që mos të humbet mësimi”, ka përmbyllur njoftimin SBASHK duke i falenderuar nxënësit e studentët si dhe prindërit për mirëkuptim.

PËRGJIGJU

Please enter your comment!
Please enter your name here