E aksidentuar në Kroaci, familja e Xhavit Krasniqit, e vdekur vajza e tij Fjolla

0

Familja nga Malisheva e cila u aksidentua sot në Kroaci është familja e Xhavit Isak Krasniqit nga fshati Tërpezë e Ulët i cili me bashkëshorten Zyhrien dhe fëmijët Fjollën, Fatjonin e Alisën po udhëtonin nga Kosova për në Slloveni. Burime nga familja Krasniqi e kanë konfirmuar aksidentin për portalin ONLINE dhe kanë njoftuar se vajza e cila ka vdekur në këtë aksident është Fjolla Krasniqi(e cila shihet në fotografinë me këtë tekst).

Familja po kthehej nga pushimet dimërore që i kishin bërë në vendlindje me rastin e festës së Vitit të Ri.

Mediat kroate kanë njoftuar se aksidenti ka ndodhur në kilometrin e 137-të në magjistralen A1, ne vendin Otocci ne Kroaci rreth orës 11:00.

Vajza e vogël e familjes, Alisa 6 vjeçare është në rrezik për jetën, dhe ka marr trajtime mjekësore në Spitalin e Përgjithshëm në Ogulin prej nga sipas mediave kroate është transferuar në Zagreb.

Shkaku i aksidentit ishte humbja e kontrollit në veturën Ford me targa sllovene.

Prindërit dhe djali janë në gjendje më të mirë, ka thënë mjekja kujdestare në Ogulin.

Më poshtë mund t’i shihni disa fotografi nga aksidenti, të publikuara nga mediat kroate:

fjolla1

fjolla3

fjolla4

fjolla5

 

PËRGJIGJU

Please enter your comment!
Please enter your name here