Dritë dhe ujë

0

BARDHYL ZAIMI

Dyert mbyllen me tërsëllime
jeta dridhet si fëmijë i trishtuar
me gërshërë cinizmi priten fatet
as ajer ka as dritare
me errësirë qendisen kurora shkëlqyese
i ushtrojnë të qeshin kukullat nëpër vitrina
dhe xhamat i fshijnë me letër tualeti
maje fronesh të pamerituara
dehet smira ngërdheshet
rrugët janë të lodhura nga ecjet e rënda
pa fund dhe fillim
jashtë dhe brenda zogj dëshperimesh fluturojnë
si një hënë e vetmuar endet dëshira
etshëm mbi lumë plandoset
dritë dhe ujë
ekstaza e dorëzimit bie në paqe
e zemra si një udhëtar i lodhur pushon
me tej është ëndrra e pambaruar
ka kaq pak ajër brenda
e jashtë kaq errësirë
ka kaq shumë shpresë brenda
e jashtë kaq shumë kasapë

PËRGJIGJU

Please enter your comment!
Please enter your name here