Çka tha Bajram Rexhepi në gjyqin kundër Oliver Ivanoviqit

0

Në seancën e sotme ndaj Oliver Ivanoviqit dhe 4 personave të tjerë të cilët akuzohen për krime kundër popullatës civile në vitin 1999 dhe 2000 në Mitrovicë është duke dëshmuar ish-ministri i Punëve të Brendshme Bajram Rexhepi.

Fillimisht Rexhepi u mor në pyetje nga prokurori Cezary Michalczuk,  i cili dëshmitarin e pyeti se ku ka qëndruar gjatë kohës së luftës në Kosovë.

“ Kam qëndruar në Mitrovicë si kirurg i luftës në Zonën Operative të Shalës, përgjegjës për shëndetësi”, u përgjigj dëshmitari.

Ai gjithashtu u pyet lidhur me masakrën e 14 prillit të 1999 në Rrugën e Kovaçëve në Mitrovicë.

“UNMIK-u në atë kohë ka marrë vendime politike dhe i ka ndërprerë hetimet lidhur më këtë rast, sepse i ka interesuar stabiliteti politik dhe ndëretnik në Mitrovicë,” tha Rexhepi.

Në vitin 2002, kur Kosova bashkëqeverisje nga institucionet kosovare dhe UNMIK-u, Rexhepi ishte zgjedhur kryeministri i parë i Kosovës i njohur ndërkombëtarisht.

Kur u pyet nga prokurori Michalczuk për të akuzuarin Oliver Ivanoviq, dëshmitari u përgjigj.

“Oliver Ivanoviq ka qenë udhëheqës i rojave të urës në kohën pas luftës, ndërsa më vonë ato janë udhëhequr nga Nebojsha Joviq”, tha dëshmitari.

Prokurori e pyeti edhe për datën 2 deri më 4 shkurt të vitit 2000 në veri të Mitrovicës.

“Disa nga familjarët e të vrarëve më atë rast më kanë thënë së aty në ditën kritike e kanë parë Oliver Ivanoviqin” u përgjigj dëshmitari.

Seanca vazhdon.

PËRGJIGJU

Please enter your comment!
Please enter your name here