Balla akuzon Metën, Bashën dhe Kryemadhin për thyerjen e xhamave të një klinike

0

Qendra shëndetësore e lagjes Skënderbeu, njohur si Fushë Mbret në Elbasan, është goditur me gurë, të cilët kanë thyer xhama të disa dritareve. Deri tani nuk janë të qarta arsyet pse është qëlluar me gurë.

Në vendngjarje kanë shkuar dhe forcat e Policisë të cilat kanë ndaluar personat e dyshuar.

Megjithatë, ndërsa policia tha se po kërkon të kapë ndonjë autor të goditjes së xhamave, kryetari i Grupit Parlamentar i PS Taulant Balla, akuzon Presidentin dhe liderët e opozitës si autorë inspirues të thyerjes së xhamave.

“Mjaftojnë thirrjet e 2-3 politikanëve, personifikim i së keqes që të motivojnë njerëz të papërgjegjshëm, të cilët marrin guximin dhe godasin me gurë qendrën shëndetësore e cila u vjen në ndihmë të gjithë banorëve të kësaj zone.

Prandaj, i bëj thirrje Lulzim Bashës, Ilir Metës, Sali Berishës, Monika Kryemadhit të heqin dorë nga balta kundër bluzave të bardha në këto ditë të vështira.

Por ndërsa Balla gjente autorët, policia njoftoi se e kishte kapur djaloshin që kishte thyer xhamat.

Zyrtarisht, policia e Elbasanit njoftoi pasditen e së dielës se, proceduan në gjendje të lirë për veprën penale “Shkatërim i pronës” shtetasin A.B., banues në Elbasan.

I riu akuzohet se sot rreth orës 12:00, ka goditur me gurë dritaret duke thyer xhamat e Qendrës Shëndetësore në lagjen “Skënderbej”, Elbasan.

PËRGJIGJU

Please enter your comment!
Please enter your name here