Anketë:37 % e qytetarëve të Kosovës të gatshëm të mësyjnë azilit në Evropën Perëndimore

0
Pavarësisht deklarimeve të shteteve të Bashkimit Evropian, se qytetarët e Kosovës, nuk do të mund të marrin azil, gatishmëria për të migruar vazhdon të mbetet e lartë.
Pavarësisht migrimit të një numri të madh të qytetarëve gjatë muajve të kaluar si dhe deklarimeve të vazhdueshme të qytetarëve të Bashkimit Evropian, se azili nuk do u njihet qytetarëve të Kosovës, rreth 37.2 për qind e individëve të anketuar janë shprehur se janë të gatshëm për të migruar po t’iu vinte rasti. Këto të dhëna janë prezantuar në analizën “Profili i migrantit kosovar – Cilët qytetarë të Kosovës janë më të prirë të migrojnë në vendet e BE-së”, nga Grupi për Studime Juridike dhe Politike.
Arbëresha Loxha, nga ky grup ka thënë se Grupi për Studime Juridike dhe Politike gjatë muajit mars të vitit 2015 ka realizuar një anketë me një mijë individë. Duke përdorur këto të dhëna Grupi për Studime Juridike dhe Politike mëton që të ndërtojë profilin e emigrantit potencial kosovar dhe së dyti të analizojë faktorët të cilët rrisin gatishmërinë e qytetarëve të Kosovës për të migruar. “Të dhënat tregojnë se gatishmëria për të migruar vazhdon të mbetet e lartë pavarësisht migrimit të një numri relativisht të madh të qytetarëve gjatë muajve të kaluar si dhe deklarimeve të vazhdueshme të qytetarëve të Bashkimit Evropian se azili nuk do u njihet qytetarëve të Kosovës. Më konkretisht 37.2 për qind e individëve të anketuar janë shprehur se janë të gatshëm për të migruar dhe pothuajse gatishmëria mbetet pothuajse e njëjtë në mesin e meshkujve dhe femrave dhe po ashtu gatishmëria për të migruar është pothuajse e njëjtë në mesin e qytetarëve të cilët banojnë në zonat urbane dhe rurale ani pse gatishmëria është pak më e lartë në zonat urbane”, ka thënë Loxha. Sipas saj, Grupi për Studime Juridike dhe Politike ka përcjellë në vazhdimësi problemin apo ka studiuar problemin e migrimit në Kosovë qysh nga viti 2013 marrë si shkas fluksin e madh të qytetarëve të Kosovës drejt BE-së në muajt që lamë pas e cila valë duket se po shpërndahet edhe në viset e tjera shqiptare. “Disa prej arsyeve kryesore pse qytetarët e Kosovës do të migronin janë humbja e shpresës se situate socio-ekonomike…Qeveria e Kosovës është cilësuar si institucioni më përgjegjës për migrimin eventual të tyre nga 88% qytetarëve të anketuar ndërsa në anën tjetër gjetja e një pune me një pagë mesatare punësimi i anëtarëve të tjerë të familjes liberalizimi I vizave dhe mundësit për punësim sezonal në vendet e BE-së janë disa prej arsyeve kryesore që do ti bënin qytetarët e Kosovës për të mos migruar”, ka thënë Loxha. Ndryshe, analizat e Grupit sugjerojnë se meshkujt kanë gatishmëri më të lartë për të migruar se sa femrat si dhe individët që u përkasin grup moshave të reja 18 deri në 34 vjeç kanë gatishmëri më të lartë për të migruar se sa ata nga mosha 35 deri në 54 vjet. Indikatorët tjerë gjithashtu janë edukimi si dhe pagat apo të ardhurat mujore familjare.

PËRGJIGJU

Please enter your comment!
Please enter your name here