Adem Grabovci e “zgjedh” Hashim Thaqin president të Kosovës

0

Hashim Thaçi do të jetë president i Republikës së Kosovës, pavarësisht se a do të zgjedhet nga Kuvendi apo nga populli, mendon nënkryetari i Partisë Demokratike të Kosovës, Adem Grabovci.

Grabovci ka thënë se në të dyja variantet, PDK-ja e pret mbështetjen e LDK-së për ta bërë Thaçin president të Republikës.

“PDK-ja i ka përmbushur të gjitha obligimet që i ka marrë mbi bazën e marrëveshjes me LDK-në, prandaj presim që edhe partnerja e koalicionit tonë qeverisës, LDK-ja, të bëjë të njëjtën gjë”, ka thënë për gazetën Epoka e Re shefi i Grupit Parlamentar të PDK-së.

“Pra në të dyja variantet presim mbështetjen e LDK-së për çështjen e presidentit”, ka than Grabovci, duke shtuar se “Thaçi e meriton të jetë president i vendit, sepse aktualisht është lideri i vetëm në nivel nacional që i përmbushë të gjitha kriteret për të marrë këtë post”.

PËRGJIGJU

Please enter your comment!
Please enter your name here