AAK këmbëngulë: Kufiri Kosovë-Mali i Zi nuk është OK

0

AAK akoma nuk e ka parë versionin zyrtar të Departamentit Amerikan të Shtetit dhe nuk mund ta komentojë atë, është theksuar në një komunikatë të kësaj partie pak para orës 16:00.

“Por, pavarësisht prej kësaj ka një numër jo të vogël të ekspertëve të kësaj fushe, që nuk janë persona partiak, që kanë gjetur parregullësi të mëdha në shënjimin e kufirit me Malin e Zi. Për më tepër edhe vet Mali i zi, në disa raste e ka shprehur gatishmërinë që të korrigjohen gabimet që janë bërë. Jemi të vëtdijshëm se demarkacioni është njëri prej kushteve, për proceset integruese, por kjo nuk nënkupton se demarkacioni duhet të bëhët ‘shkel e shko”, është tërhequr vërejtja aty.

“Ne jemi të bindur se janë bërë gabime jo të vogla në demarkacionin me Malin e Zi, edhe duke u marrë si kriter bazë, kriteri kadastral, që nuk mund të jetë kriter kryesor në demarkacionin e kufijve të shteteve, dhe shpresojmë se kjo çështje do të zgjidhet në bazë të dokumentave kredibile. Ne do të insistojmë që Qeveria e vendit të caktoi një komision të ri kredibil, duke pasur edhe ekspertë ndërkombëtar, në mënyrë që t’i vihet pikë kësaj çështjeje”, ka theksuar partia e Ramush Haradinajt.

“Askush nuk duhet të frikësohet nga përsëritja e një procesi të detajuar të demarkacionit me Malin e Zi, sepse gabimet gjithmonë janë të mundshme dhe në rastin konkret, është evidente se ato janë bërë” ka përmbyllur AAK.

PËRGJIGJU

Please enter your comment!
Please enter your name here