17 vjet nga vrasja e Enver Malokut, vajza e tij mallkon vrasësit dhe fshehësit e të vërtetës

0

Deputetja nga radhët e LDK-së, Doruntinë Maloku ka kërkuar sërish drejtësi për vrasjen e babait të saj Enver Malokut.

Ajo në një postim në Facebook ja thënë se janë bërë plot 17 vjet! ! 6 mijë e 205 ditë! 148 mijë e 920 orë!, dhe krejt çfarë kërkon është vetëm drejtësi.

Lexoni postimin e plotë të saj:

A ia vlen ta përsëris thirrjen për drejtësinë që po mohohet? Në veshin e kujt do të bie zilja e ndërgjegjes? A dëgjon kush? Apo të gjithë janë të shurdhër?!
17 vjet! 6 mijë e 205 ditë! 148 mijë e 920 orë!
Për mua, një jetë e tërë në kërkim. Për shumë nga ju, thirrje monotone e përvitshme.
Dua drejtësi!
Aq më bën për qetësinë tuaj që prishet! Fare s’më bën për asgjë. Veç drejtësi dua për Babin tim! Asgjë më pak e as më shumë sesa të vërtetën!
Mallkuar qofshi, ju që e vratë dhe ju që e dini e po e fshihni të vërtetën! Unë besoj në Zot. Dhe e di se një ditë, jo shumë larg nga sot, do t’u shoh në sy, të gjithëve! Në gjyq! Maskarenj!

PËRGJIGJU

Please enter your comment!
Please enter your name here