Vuçiq: “Populli serb po thotë se kufijtë me Kosovën duhet t’i kemi në Jarinjë e Bërnjak, OK”

0

Kryeministri i Serbisë, Aleksandar Vuçiq, ka theksuar se ideja e tij mbi zgjidhjen e ngërçit me Kosovën është më e mira për të ardhmen e Serbisë, por ajo ka hasur në kundërshtim të përgjithshëm.

Kreu i shtetit serb u shfaq i gatshëm për një zgjidhje kompromisi, duke shtuar megjithatë se një e tillë nuk po duket në horizont.

“Topin”, praktikisht, Vuçiq, ia la popullit serb, duke treguar se nuk mund ta ndryshojë vullnetin e tij.

“Kam parë kundërshtim të përgjithshëm të publikut për atë që mendova të ofroja. Për mua, kjo situatë është goxha e vështirë sepse mendoja qe ideja ime ishte me e mira për Serbinë, por kjo do të shihet vetëm në 15-20 vjetët e ardhshme. Duhet të pajtoheni me vullnetin e popullit, por njerëzit duhet të kujtojnë se unë isha për zgjidhje tjetër”, ka thënë Vuçiq.

“Kam konstatuar se populli praktikisht po thotë se e tërë Kosova duhet të mbetet kështu, se duhet t’i kemi kufijtë në Jarinë e Bërnjak, e nëse populli thotë kështu, unë nuk mund t’i kundërvihem; dëshira e qytetarëve duhet respektuar”, ka shtuar Vuçiq.

PËRGJIGJU

Please enter your comment!
Please enter your name here