Veseli: Miratimi i Ligjit të Gjuhëve, hap i rëndësishëm në përmbushjen e marrëveshjes së Ohrit

0

Kryetari i Kuvendit të Kosovës, Kadri Veseli, ka uruar për miratimin e ligjit të gjuhës shqipe në Kuvendin e Maqedonisë.

Veseli shkruan në Facebook se ngjarja e sotshme shënon një hap të rëndësishëm në përmbushjen e Marrëveshjes së Ohrit dhe në arritjen e standardeve të larta të realizmit të të drejtave të njeriut që kërkohen në kuadër të integrimeve Euro-Atlantike.

Postimi i Veselit në Facebook:

“Urimet më të përzemërta për bashkëatdhetarët tanë në Maqedoni për përmbushjen e një të drejte legjitime thelbësore. Falënderoj kolegët e mi të Parlamentit të Maqedonisë për miratimin e ligjit të gjuhës, i cili do të kontribuojë në përmirësimin e marrëdhënieve ndëretnike, jo vetëm në këtë shtet por në mbarë rajonin. Ngjarja e sotshme shënon një hap të rëndësishem në përmbushjen e Marrëveshjes së Ohrit dhe në arritjen e standardeve të larta të realizimit të të drejtave të njeriut që kërkohen në kuadër të integrimeve Euro-Atlantike.”

PËRGJIGJU

Please enter your comment!
Please enter your name here