Super ylli i Barcelonës, Lionel Messi, mund të rikthehet hiç më larg se të martën në ndeshje ndaj Interit në Ligën e Kampionëve, ka thënë Ernesto Valverde pas fitores së jashtëzakonshme me rikthim të skuadrës së tij ndaj Rayo Vallecanos të shtunën në La Liga.

Kjo fitore ishte e treta më radhë e Barcelonës pa Lionel Messin, i cili është duke e riaftësuar nga thyerja e dorës së djathtë, transmeton Gazeta Express.

Megjithatë, Valverde ka thënë pas ndeshjes se Messi mund të rikthehet në mesjavë për ndeshjen e Barçës në udhëtim ndaj Interit.

“Mendoj se ne luajmë më mirë me Messin në ekip. Do ta shohim sesi është në stërvitjen [e së dielës] sa i përket takimit me Interin”, tha ai.

Messi e theu dorën në ndeshje ndaj Sevillës javë më parë dhe pritej të mungonte deri në fund të nëntorit, por duket se argjentinasi është riaftësuar para kohe.

PËRGJIGJU

Please enter your comment!
Please enter your name here