Ronaldo ‘tregon dhëmbët’, Liverpooli vulos kualifikimin që në Portugali

0

Pavarësisht kritikave, Cristiano Ronaldo është aty dhe në ndeshjet më të rëndësishme për Realin nuk zhgënjen asnjëherë. Portugezi tregoi edhe një herë se Liga e Kampionëve është trofeu i tij i preferuar, teksa sonte dhuroi një tjetër dygolësh, duke shënuar në të 7 ndeshjet e luajtura nga Reali në këtë edicion, plot 11 gola.

Në ‘Santiago Bernabeu’, në ndeshjen më të rëndësishme të fazës së 1/8-ave mes Realit të Madridit dhe PSG-së, francezët ishin ata që kaluan të parët në avantazh, me anë të mesfushorit Rabiot. Gjithsesi, Reali vendosi baraspeshën pak parë se të mbyllej pjesa e parë, teksa Ronaldo ekzekutoi saktë një 11-metërsh.

Në pjesën e dytë ishte sërish Ronaldo që kaloi në avantazh madrilenët, ndërsa Marselo shënoi golin e 3-të për skuadrën e Zidanes dhe vulosi rezultatin 3-1. Ky rezultat është shumë i favorshëm për Realin, që në ‘Parc Des Princes’ do të ketë luksin të mbrojë 2 golat avantazh, të mbrëmjes së sotme.

Në takimin tjetër të mbrëmjes, Liverpooli siguroi kualifikimin që në ndeshjen e parë, teksa mposhti Porton me rezultatin e thellë 0-5. Sadio Mane ishte heroi i mbrëmjes me një tripletë, ndërsa Salah dhe Firminho shtuan emrat në listën e golshënuesve. Takimi i kthimit në ‘Anfield’ do të jetë vetëm një formalitet për skuadrën e Klopp, pasi kualifikimi për në çerekfinale nuk është më në diskutim.

PËRGJIGJU

Please enter your comment!
Please enter your name here