Presidenti Thaçi është pritur nga presidenti i Fracës, Emannuel Macron

0

Presidenti i vendit, Hashim Thaçi ka njoftuar se gjatë vizitës së tij në Francë, është pritur nga presidenti Emannuel Macron. Presidenti i Francës sipas presidentit të Kosovës, e ka konfirmuar se së shpejti do të vizitojë Kosovën.

Thaçi tha se gjatë takimit me homologun e tij francez, në Pallatin Elysee, Presidenti Macron e ka siguruar për përkrahje të mëtutjeshme në rrugëtimin europian të Kosovës.

Ky është njoftimi i Thaçit në Facebook: 

“Sot, në Pallatin Elysee pata kënaqësi të pritem nga presidenti i Francës, Emannuel Macron, me të cilin zhvilluam një bisedë miqësore.

Presidenti Macron, me vizionin dhe dinamizmin e tij i jep shpresë tërë Evropës, përfshirë edhe vendet që aspirojnë të integrohen në BE.

Në emër të Kosovës i shpreha falënderimin për mbështetjen e vazhdueshme të Francës për shtetin e Kosovës.

Kosova është mirënjohëse për kontributin e jashtëzakonshëm të Francës për afirmimin e Kosovës në arenën ndërkombëtare.

Me këtë rast ftova presidentin Macron për ta vizituar Kosovën.

E falënderoj presidentin Macron që e pranoi dhe e konfirmoi vizitën në Kosovë.

Franca ka qenë dhe do të jetë përkrahëse e fuqishme e Kosovës.”

PËRGJIGJU

Please enter your comment!
Please enter your name here