I ftuari i Gkykatës Speciale është Komandant Remi, zbulon avokati Arianit Koci

0

Rrustem Mustafa-Komandant Remi, është personi i parë që do të intervistohet nga Prokurori i Gjykatës Speciale. Kështu ka njoftuar avokati i ish-komandantit të Ushtrisë Çlirimtare të Kosovës, Arianit Koci.

Pas raportimit të Gazetës Express se një ish—komandant i UÇK’së ka pranuar ftesën për intervistim nga Gjykata Speciale, avokati Arianit Koci ka njoftuar se klienti i tij, Rrustem Mustafa, i njohur si komandant Remi, është ftuar nga Dhomat e Specializuara për intervistim.

Ja joftimi i Kocit:

“Komunikatë për media

Me autorizimin e klientit tim z. Rrustem Mustafa, ju njoftoj se z. Mustafa ka pranuar një ftesë që me datën 14 janar 2019, të paraqitet pranë Zyrës së Prokurorit të Specializuar të Kosovës (ZPS) në Hagë.
Kjo është ftesë për intervistim.

Z. Mustafa do të paraqitet vullnetarisht dhe është i gatshëm të sqarojë çdo rrethanë të cilën ZPS është duke e hetuar.

Kjo është e gjitha për çfarë kemi njohuri tani për tani, dhe me mirësjellje kërkoj nga gazetarët që të mos e kontaktojnë z. Mustafa rreth kësaj çështjeje.”

PËRGJIGJU

Please enter your comment!
Please enter your name here