Horoskopi ditor, 19 qershor 2017

0

Dashi

Do të jetë një ditë shumë e mirë për të mbyllur disa marrëveshje me leverdi për karrierën tuaj profesionale. Tashmë që do të ndiheni më të plotësuar do të arrini të fitoni sfida premtuese, të cilat do ju shtyjnë drejt suksesit. Ditë e qetë për të dashuruarit. Beqarët do jenë joshës dhe mund të kenë mundësi për të filluar aventura kalimtare.

Demi

Duhet të jeni plotësisht të bindur për pozitën tuaj para se të bëni zgjedhje drastike në punë. Mos ndërmerrni nisma të rrezikshme, pa i shqyrtuar mirë të gjitha mundësitë. Në dashuri do të ketë ulje- ngritje. Për beqarët do favorizohen lidhjet afatgjata. Shfrytëzojeni çdo mundësi që do iu jepet.

Binjakët

Kur është fjala për dashurinë, prireni që të jeni shumë kokëfortë dhe krenarë. Ndoshta pikërisht për këtë arsye, gjatë javëve të fundit keni qenë të tensionuar në këtë fushë. Në punë pritet të merrni lajme të rëndësishme. Financat do jenë delikate për shkak të shpenzimeve të konsiderueshme.

Gaforrja

Ka disa përgjegjësi të reja të cilat ju bëjnë nervoz, por jeni të gatshëm për gjithçka, vetëm që të arrini rezultate të mira profesionale. Këshillohet që të bëni kujdes me shpenzimet, pasi një e papritur e vogël, mund të pengojë disa nga projektet tuaja. Gjatë kësaj dite nuk do keni as problemin më të vogël me partnerin/en dhe do ndiheni të qetë.

Luani

Jeni në kërkim të shpërblimeve më të mëdha. Ka qenë një periudhë mjaft e ngarkuar dhe e ndjeni veten të lënë pas dore në dashuri. Shfrytëzojeni javën për të arritur objektivat tuaja. Beqarët do jenë sensualë. Disa mund të kenë edhe dashuri me shikim të parë.

Virgjëresha

Duhet të organizoheni mirë, pasi duhet të përballeni me detyra jo fortë të lehta dhe në një hark të ngushtë kohor. Kini besim tek vetja dhe mos u dorëzoni. Intuita nuk do i’u braktisë asnjëherë. Mbrëmja paraqitet harmonike për të dashuruarit. Ata që janë vetëm do kalojnë një ditë të bukur me shoqërinë.

Peshorja

Kjo është një periudhë shumë e mirë për të nisur bashkëpunime të reja, por vetëm nëse do të jeni në gjendje të ndiqni të gjithë udhëzimet e kolegëve tuaj. Jeni shumë krenarë dhe kjo shpesh krijon ndonjë tension. Pritet që gjatë kësaj dite të ketë takime interesante për ata që janë vetëm. Çiftet do bëjnë plane për të ardhmen.

Akrepi

Në dashuri ka ardhur momenti që të tregoni hapur ndjenjat tuaja. Lërini veprimet tuaja që të flasin hapur. Në punë do të keni rezultate të mira. Veç bëni kujdes që të mos i çoni dëm, pasi mund të jenë shumë të dobishme për të ardhmen. Kujdes duhet të tregoni me shëndetin, do ndjeheni disi delikat gjatë këtyre ditëve.

Shigjetari

Mundohuni që të mos ezauroheni shumë në punë, pasi në të kundërt rrezikoni që në mbrëmje të jeni të dërrmuar. Dashuria kërkon më shumë vëmendje dhe durim prej jush, kështu që bëni mirë që të riorganizoni më mirë angazhimet tuaja. Në planin financiar gjërat do shkojnë më së miri dhe mund të shpenzoni për ato që keni menduar.

Bricjapi

Qysh në orët e para të mëngjesit do të ndiheni shumë të frymëzuar. Kështu që bëni mirë të përfitoni për të projektuar aktivitete të reja krijuese. Gjithsesi, në dashuri duhet të shmangni xhelozinë e tepruar, në mënyrë që të mos krijoni debate të kota. Beqarët do realizojnë takime interesante, por duhet të bëjnë kujdes me vendimet.

Ujori

Do të shpërbleheni mirë pas një jave të mbushur me sakrifica për punën dhe familjen tuaj. Nga e hëna do të nisë një fazë më relaksuese e cila do ju lejojë që të keni më shumë kujdes edhe për lidhjen me partnerin/en. Kujdes me shëndetin sepse temperaturat e larta nuk do ndikojnë mirë tek ju.

Peshqit

Jeni gjithmonë shumë konkurrues kur bëhet fjalë për punën dhe kjo gjë shpjegon edhe pse jeni të gatshëm për gjithçka vetëm që të arrini objektivin tuaj. Në dashuri, mundohuni të shmangni dominimin dhe sjelljet komanduese, pasi mund të shkaktoni debate. Beqarët nuk duhet të tregohen të pamatur me personat që do takojnë. /b.l/noa.al/

PËRGJIGJU

Please enter your comment!
Please enter your name here