Arrestohet boksieri Nelson Hysa, i bllokohet ‘BMW’-ja luksoze

0

Policia ka arrestuar një tjetër anëtar të grupit ‘Bajri’,  i cili ishte shpallur në kërkim prej shtatorit të vitit të kaluar. Ai është boksieri i Vllaznisë, Nelson Hysa 35-vjeç.

Hysa akuzohet për disa vepra penale si pjesëmarrje në organizata kriminale, grup i strukturuar kriminal dhe paracaktim të rezultateve në garat sportive në bashkëpunim.

Në kuadër të operacionit ‘OAZ’ ai u kap mëngjesin e sotëm në një banesë të marrë me qira në zonën e Komunës së Parisit Tiranë. Gjatë veprimeve procedurale iu sekuestrua një automjet “BMË Seria 3”. Ditën e hënë Hysa pritet që të dalë para gjykatës për verifikimin e masës së sigurisë.

Ai është një person i njohur sidomos për policinë e Shkodrës, pasi pak kohë më parë iu bë edhe një atentat, ku fatmirësisht arriti që të shpëtonte. Koka e grupit kriminal të Bajrajve konsiderohet  Enver Bajri 45 vjeç, i arrestuar në Spanjë dhe që pritet të ekstradohet në Shqipëri për t’u përballur me akuzat.

Shqiptarja.com

PËRGJIGJU

Please enter your comment!
Please enter your name here